patriarcal

Relativo ou pertencente ao patriarcado

Etimoloxía

Palabra creada sobre “patriarca”, que vén á súa vez da latina patriarcha ‘pai dunha raza’ e que bebía da grega patriárkhes ‘xefe dunha familia’.

Exemplos *

“A linguaxe está moi marcada, e por iso é fácil reproducir esquemas patriarcais. Temos que ter en conta que dende unha perspectiva técnica as linguas son de todo menos neutras.” (Teresa Moure: La Voz de Galicia, 20-08-2018)

“Claramente é unha denuncia da desigualdade, mentres sexamos noticia por ser as primeiras en algo estamos poñendo o acento na gran ausencia da muller en moitos ámbitos, eu creo que iso non é froito dun proceso natural senón que é froito dunha sociedade claramente patriarcal.” (Susana Pedreira: Luzes, 11-2016)

* As citas da Palabra do Día respectan as escollas ortográficas e morfolóxicas da edición referida.