Variedade de pexego de pel lisa e carne branca pegada á carabuña
Etimoloxía
Vocábulo de orixe toponímico, Pavia, cidade italiana de onde procede a árbore.
Exemplos *
“Apañou do gueipo no que levaba pavías temperás unha pistola, e apuntou ao fato de aduaneiros.” (Bieito Iglesias: Contos da terra da tarde/ Noticia dos árcades mortos ou por que non escribín certo libro meu, 2011)
“No campo da festa, unha fileira de cestas con pavías, figos e uvas recendía as aromas da terra mimosa da ribeira.” (Eduardo Prieto Casares: Folliñas que levou o tempo. Contos da Ribeira Sacra, 2013)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.