Anaco de pedra que se emprega nalgúns xogos como a mariola
Etimoloxía
De orixe escura.
Exemplos *
“Se o peletre caía fora, volvía repetir o percorrido, pero desta segunda volta, xa tiraba o peletre ao cuadro número dous, despois ao tres e así sucesivamente.” (Arturo Romaní: Xogos infantiles de Galicia, 1979)
“Están xogando á mariola cun peletre feito dun cacho de tella.” (Francisco Potel Pardal: Costumes da terriña, 1911)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
