Persoa que ten un título de enxeñeiro técnico de grao medio /Persoa que ten experiencia ou habilidade en certos asuntos
Etimoloxía
Termo que procede do latino peritus ‘douto’, ‘experimentado’ ou ‘práctico’.
Exemplos *
“Benigno Teijeiro xa publicara en Lugo, antes da expatriación (...). A súa profesión de perito agrimensor permitiulle percorrer Uruguai de punta a cabo. Levado polas afeccións literarias, deixou a profesión e dedicouse integramente ó xornalismo.” (Avelino Abuín de Tembra: O Correo Galego, 14-10-2001)
“A sesión rematara coa presentación dos informes psicolóxicos de Ana. A avogada estaba sumamente satisfeita co dela. –Unha pode atopar peritos que defendan calquera cousa.” (María Reimóndez: A dúbida, 2016)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.