Recipiente de barro ou doutro material, cunha fenda pequena e estreita, no que se garda o diñeiro para aforrar.
Etimoloxía
Proponse que proceda do latín pectus –oris ‘peito’ e que chegase desde o italiano petto.
Exemplos *
“Eu rompera o peto do porquiño que me regalara a miña tía. Total, para sacar cinco euros.” (Manuel Darriba: Brais e os demais)
“Aguantáronse con poucos cartos no peto e cos marcos das leiras no seu sitio, porque sempre estiveron convencidos, avós, fillos e pais (outro asunto é que cumprisen iso sen excepcións, e aí non me meto), de que a decencia era o único xeito aceptable de vivir.” (Ramón Loureiro: O corazón portugués)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
