piqué

Tecido de algodón que forma pequenos debuxos ou puntos en relevo.

Etimoloxía

Procede do francés piqué, derivado do verbo piquer 'picar'.

Exemplos *

"Non sei que se vería se alguén reparara en nós, supoño que uns estraños movementos baixo a colcha de piqué branca con reberetes bordados en cores." (Eduardo Alonso: Teatro imprevisto)

"Preparei un baúl e un cesto e fun deixando neles todas as miñas prendas de roupa, un día as blusas de la, outro a bata de piqué …" (Antonio Rodríguez Baixeiras: O rei dos ameneiros)

* As citas da Palabra do Día respectan as escollas ortográficas e morfolóxicas da edición referida.