pucha

Peza de vestir de forma redonda, que serve para abrigar ou para tornar o sol da cabeza.

Etimoloxía

Apúntase que se trate dunha redución da voz capucha.

Exemplos *

"O home obedeceu, timidamente, e inclinou a cabeza diante de Frida, engurrando a súa pucha entre as mans." (Dolores Ruiz: Dentro da illa)

"O máis alto dos dous homes sacou a pucha para rañar cos dedos sucios na cabeza e era calvo." (Paco Martín: A bisneta lercha)

* As citas da Palabra do Día respectan as escollas ortográficas e morfolóxicas da edición referida.