pudin

Doce feito a base de fariña ou pan esfaragullado, leite, ovos, azucre e pasas, cociñado ao forno ou ao baño maría

Etimoloxía

Vocábulo que nace do termo pudding que significaba ‘variedade de salchicha’.

Exemplos *

“Non era coma a súa nai, que facía uns pudins de claudias e un polo ó curry realmente bo. Non. Esther cociñaba moi mal.” (Xavier Queipo: O ladrón de esperma, 2001)

“E chegou a hora da sobremesa, un pudin de pasas que mamá facía aproveitando o pan reseso.” (Luís Rei Núñez: Expediente Artieda, 2000)

* As citas da Palabra do Día respectan as escollas ortográficas e morfolóxicas da edición referida.