rabuñada

Ferida superficial na pel, feita coas uñas ou cunha cousa afiada.

Etimoloxía

Créase a palabra a partir da forma feminina do participio pasado do verbo rabuñar.

Exemplos *

"O corpo pode desintegrarse e reintegrarse no outro extremo do universo sen unha rabuñada, pero a súa alma non logrará seguilo." (Antón Lopo: Ganga)

"Coa calma da noite somnolenta, continuou desangrando, rabuñada a rabuñada, a morna carne do recordo." (Xaime Domínguez Toxo: Contos da Baiuca)

* As citas da Palabra do Día respectan as escollas ortográficas e morfolóxicas da edición referida.