realismo

Maneira de tratar a realidade dun xeito preciso, detallado e obxectivo, tal e como é, e en especial, movemento artístico xurdido en Francia a mediados do século XIX que defendía estas ideas, como reacción contra o Romanticismo.

Etimoloxía

Palabra creada sobre o adxectivo real procedente da palabra latina res, rei 'cousa real, concreta'.

Exemplos *

"O primeiro deles era o de As Covas do rei Cintolo, no que di que a narrativa galega debía seguir o camiño da fantasía de Cunqueiro ou do realismo de Fole." (Xosé M. del Caño: Conversas con Manuel María)

"Ese realismo de Blanco Amor, lembroume a Bukowski, ou mellor dito, cando lin por primeira vez a Bukowski deime de conta de que me recordaba a Blanco Amor" (Galicia Hoxe 04-04-2009)

* As citas da Palabra do Día respectan as escollas ortográficas e morfolóxicas da edición referida.