repousacabezas

Peza adicional fixada á parte superior do respaldo do asento dun vehículo, en que se pode apoiar a cabeza.

Etimoloxía

É un composto para o que se tomaron o verbo repousar, do latín repausare 'descansar' e o substantivo cabeza, da forma do latín vulgar para 'cabeza', capitia.

Exemplos *

"¿Cantos soños collen nos cranios abatidos contra os repousacabezas dos asentos, cantos silencios non albergan todos eles?" (Alfredo Conde: Sempre me matan)

"Carme deitou a caluga a un lado do repousacabezas, ollando cara arriba á procura de aire, respiración." (Xurxo Borrazás: Na maleta)

* As citas da Palabra do Día respectan as escollas ortográficas e morfolóxicas da edición referida.