rock and roll

Baile moi rítmico baseado na música popular que xurdiu en Norteamérica nos anos cincuenta, de ritmo moi marcado, na cal se fai un emprego sistemático da guitarra eléctrica e da batería.

Etimoloxía

O nome tomouse directamente do inglés, onde a expresión era utilizada polos mariñeiros para referirse ao balanceo dos barcos.

Exemplos *

"Eles soíños racharon aquel tabú escuro, provinciano, de que o galego non servía para o rock & roll." (Galicia Internacional 09-1995)

"Agora tocan salsa, logo un pasodobre, despois un rock and roll para rematar cunha tenra balada." (Beatriz Dacosta Molanes: Cascas de noz)

* As citas da Palabra do Día respectan as escollas ortográficas e morfolóxicas da edición referida.