seixebra

Planta herbácea anual da familia das saxifragáceas, da que existen varias especies, con flores pequenas de pétalos brancos

Etimoloxía

Nome que vén do latino saxifragam denominación da mesma planta.

Exemplos *

“Non haberá muros nin valados, nin sebes nin casas. Só pallozas e choupanas, algúns chantos nas leiras, e cómaros poboados por árbores e silveiras. As seixebras medrarán nas vosas rúas e nas vosas estradas .” (Xosé Miranda: Historia dun paraugas azul, 1991)

“O arrecendo do ourego e da canela mesturase no espazo coa flor do azafrán e mais a seixebra, olas de azucre a ferver nas trepias e vapores de mil esencias, todo revolto entre adubos, amoados, xaropes e especiaría que de tanto xunto marea, sobe as calores e produce unha estraña borracheira.” (Víctor F. Freixanes: O enxoval da noiva, 1988)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.