singradura

Tempo que dura a viaxe dunha embarcación desde que sae dun porto ata chegar a outro

Etimoloxía

Palabra que se crea sobre o verbo “singrar” que é un préstamo do francés antigo singler que significaba ‘navegar a vela’.

Exemplos *

“Foi fondeado fronte a Barra para unhas primeiras reparacións ata que, en outubro, zarpou co remolcador "Nisos Delos" rumbo ao Pireo, nunha accidentada singradura que o obrigou a pedir axuda en Xibraltar.” (Eduardo Rolland: GCiencia. O portal da ciencia galega, 6-2015)

“Chegabas a Istambul dunha longa singradura, chegabas cheo de sal e de fastío, enfermo de saudade da terra.” (Xoán Fuentes Castro: O pescador de cana, 2006)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí