tea

Pau con lume que se utiliza para alumar.

Etimoloxía

Xorde do termo do latín clásico taeda, –ae 'facho de piñeiro'.

Exemplos *

"Foi Prometeo queimando unha tea no sol quen lles deu o lume ós humanos, ós que antes puxera de pé e fixera superiores ós animais." (X. Manuel Rivas Troitiño: Galicia Hoxe 18-02-2005)

"E silandeiramente, como todos os días ó morrer a luz e acenderse as teas, subo á cámara da Dona do Castelo." (María Gándara: Magog)

* As citas da Palabra do Día respectan as escollas ortográficas e morfolóxicas da edición referida.