Sufrimento físico ou moral intenso inflixido como castigo ou para facer confesar a un acusado.
Etimoloxía
Aparece grazas ao termo latino tortura, –ae 'acción de torcer', 'dor' ou 'tormento'.
Exemplos *
"A satisfacción na tortura non está tanto en tirar unha confesión como no gozo que produce no verdugo o feito de ter á súa completa mercé á vítima." (Francisco Sampedro: A violencia excedente)
"Nin a tortura podía ser máis cruel e dolorosa que a situación na que estaba prostrados." (Xosé Carlos Fernández Caínzos: Os espidos pés do destino)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
