trouso

Morea de neve que amontoou o vento

Etimoloxía

Xógase coa hipótese de que proceda do gótico *drauso, da mesma raíz ca driusan ‘caer’.

Exemplos *

“A maior dureza da nevada era a ventisca, “pulvia” no Cebreiro, que amontoaba nos sitios resgardados do vento grandes cantidades de neve, alí chamados “trousos”.” (Xosé Alvilares: Memorial de agravios, 1992)

“Retratos de busto principalmente e do rostro iluminado polos ollos embazadores e a boca regañada que ensinaba trousos de neve.” (Bieito Iglesias: Contos da terra da tarde, 2011)

* As citas da Palabra do Día respectan as escollas ortográficas e morfolóxicas da edición referida.