universalización

Acción e efecto de universalizar

Etimoloxía

Palabra derivada de “universal” que chega desde o latín universalis de significado semellante.

Exemplos *

“O desenvolvemento de novas armas éticas para a defensa dunha real democracia e a universalización do benestar que nos agarda evitando a marxinación.” (Paulo Naseiro: Petroglifo. Revista da Asociación de Empresarios de Artes Gráficas de Galicia, 1997)

“A sociedade industrial provocaría unha homoxeneización que se manifestaría no nacionalismo e a universalización da alfabetización, propia do novo tipo de sociedade, sería un elemento clave no seu nacemento.” (María López Sande: Paisaxe e nación. A creación discursiva do territorio, 2008)

* As citas da Palabra do Día respectan as escollas ortográficas e morfolóxicas da edición referida.