urbe

Cidade grande, xeralmente importante e con moita poboación.

Etimoloxía

Procede da forma latina para denominar a cidade, urbs, -is.

Exemplos *

"… desde a urbe chámaselle aldea ó campo en xeral e tamén a cada unha desas demarcacións que aquí denominamos parroquia." (Xosé Chao Rego: Para comprendermos Galicia)

"Os persas que cercaban a urbe a unhas tres millas, quedan cegados pola escuridade, perden a orientación e non saben por onde entrar na fortaleza." (Mª Xosé Queizán: Amantia)

* As citas da Palabra do Día respectan as escollas ortográficas e morfolóxicas da edición referida.