vaíña

Envoltorio tenro formado por dúas láminas alongadas, onde están as sementes de certas plantas.

Etimoloxía

Procede do latín vagina.

Exemplos *

"A avoa debullaba as vaíñas das fabas ou os carozos do millo que levarían ó muíño para encher a artesa con ese bafo alegre do pan acabado de facer …" (Xavier Queipo: O ladrón de esperma)

"Lembrou entón unha tardiña apracible, e ela e mais Amaro debullando chícharos naquela mesa baixo a vide. As uvas comezaran a madurar e estaban azuis de sulfato. Miraba a Amaro abrir as vaíñas con delicadeza e, cun movemento do dedo, baleiralas no cunco." (Dolores Ruiz: Dentro da illa)

* As citas da Palabra do Día respectan as escollas ortográficas e morfolóxicas da edición referida.