váter

Cuarto reservado para facer as necesidades naturais do corpo

Etimoloxía

Adaptación da expresión británica water closet que significa ‘retrete’.

Exemplos *

“O ano pasado fixéronlla a un compañeiro que atoparon no váter dun local de Vigo.” (Antón Lopo: Ganga, 2001)

“En casas sen váter o acto de botar unha carta ao Rei tornábase problemático se non flexionabas os dous xoellos.” (Bieito Iglesias: Contos da terra da tarde, 2011)

* As citas da Palabra do Día respectan as escollas ortográficas e morfolóxicas da edición referida.