Que viola, en particular, que comete ou cometeu delito de violación
Etimoloxía
Vocábulo que vén do latín violātor, -ōris ‘violador’, ‘profanador’ ou ‘infractor’.
Exemplos *
“A violencia sexual ten os seus propios estereotipos, que restan credibilidade ás vítimas e reforzan aos violadores, e contra os que debemos de loitar. Trátase de estereotipos desprezables que xustifican as agresións sexuais.” (Cristina Justo Suárez: Guía de prevención e detección da violencia de xénero para mozos e mozas, 2019)
“Hai xente boa e hai xente mala, e eu non sei en que campo estaría, todos sabemos en que campo quereriamos estar, no dos bos. Pero probablemente o malo co que acabo de falar, xa sexa o violador, o asasino, o torturador, se lle preguntasen nun contexto coma o meu, diría que el nunca faría iso.” (Marcos Martín e Edgar Melchor: Tempos Novos, nº 14, 7-2008)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
