Exemplos ^*

“Unha man de crías xa ben medradas de corvos mariños aterran, amerizan por meo nos baixos do Seixo. Mais axiña erguen o seu voo rasante nas ondas retelladas da virazón cara á enseada do Vao, onde se perden afogadas no escuro, no mouro mar da ría.” (Anxo Angueira: Iria, 2012)

“O vento algo débil ó principio, foise volvendo máis duro con forte e súpeta virazón. O ruído retumbante da treboada acercábase velozmente. Os raios e chispas caían en todas direccións, e as nubes mouras, baixas e espesas corrían desbocadas apurradas polo vento que aumentaba en ímpeto e que asubiaba fortemente.” (Arturo Romaní: Barlovento, 1992)