vogar

Mover os remos para impulsar unha embarcación

Etimoloxía

Crese que vén do italiano vogare e este do latín vocare 'chamar os remeiros'.

Exemplos *

“Sobre o lago próximo, as barcas apenas avanzaban movidas por brazos dobremente inexpertos: brazos alleos ao esforzo dos ritmos asimétricos da arte de vogar e brazos debutantes nesoutra aventura por cingir, apreixar, rodear e abranguer o corpo amado...” (Xosé Ramón Pena: Como en Alxeria, 2012)

“Axiña comprobou que a balsa, anque de ínfima calidade, flotaba perfectamente e tiña a autonomía desexada, polo que asentou os dous remos e comezou a vogar para afastarse da ribeira.” (Xabier Quiroga: Atuado na braña, 2002)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.