xélido, -a

Extremadamente frío, á temperatura do xeo

Etimoloxía

Vocábulo culto que bebe do equivalente latino gelidus, -a, -um ‘xeo’.

Exemplos *

“Dixeron na televisión que hoxe seica foi o día máis xélido de todo o inverno.” (Diego Ameixeiras: Tres segundos de memoria, 2007)

“O aire xélido da madrugada, que inhalou con pracer para evacuar as miasmas da pensión, reconfortoulle o corpo e acabou de despexarlle a mente do embotamento en que se mantivera desde pouco despois de subir ao autobús.” (Francisco Galván: As crendas de San Porfirio. Diario terapéutico dun esquizofrénico)

* As citas da Palabra do Día respectan as escollas ortográficas e morfolóxicas da edición referida.