xenealoxía

Conxunto de ascendentes dun individuo ou dunha familia.

Etimoloxía

Ten a súa orixe no grego genealogía, –as 'historia de familia', que nos chegou desde o latín genealogia, –ae 'linaxe'.

Exemplos *

"Eu son o meu pai e a miña nai, o meu avó e bisavó e tataravó, a miña xenealoxía comeza e remata en Silesio Braun, non teño outra." (Xosé Carlos Caneiro: Un xogo de apócrifos)

"A mágoa é que rematase tan axiña a xenealoxía, porque eu quería chegar ata min, pero vexo que é difícil." (Alfonso Álvarez Cáccamo: O espírito de Broustenac)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.