image

A Palabra do Ano 2019 é

 

Por que promovemos esta idea

A razón de ser da lingua é atravesar todos os ámbitos da sociedade e representarnos nela, porque onde as palabras existen con máis intensidade é na actualidade cotiá, no día a día, tanto no espazo público coma nas relacións privadas. Por iso, escoller unha Palabra do Ano simboliza tomar conciencia do valor da lingua, recoñecérmonos aquí e agora e mesmo asumirmos un mañá.

Que a maioría decida a palabra que identifica o ano que remata é repensalo e revivilo e converte, en certa medida, esa voz nun símbolo compartido. É un costume estendido noutras realidades lingüísticas, noutros países. Elixamos, pois, a Palabra do Ano entre aquelas que máis soaron nas conversas habituais, nos medios de comunicación ou nas redes sociais. Será a palabra que mellor resuma a nosa vida en 2019.

A Palabra do Ano 2018 foi...

A crecente preocupación pola xestión dos nosos montes deixou pegada na Palabra do Ano 2018. Cos vosos votos decidistes que fose deseucaliptización, un neoloxismo que non aparece no Dicionario pero que se axusta ás regras de formación de palabras da nosa lingua.

A Palabra do Ano 2017 foi...

Afouteza é unha palabra do noso léxico patrimonial que saltou durante 2017 do campo de fútbol do Celta de Vigo á rúa. Toda unha xesta colectiva: unha palabra que dende o fondo dos séculos marcou un tanto na meta compartida de gozarmos da nosa lingua.

A Palabra do Ano 2016 foi...

2016 foi o centenario das Irmandades da Fala, e ao noso parecer, esta escolla hai que entendela como homenaxe ao proxecto histórico pero tamén como un xeito de reivindicar o sentido do colectivo no presente e no tempo que vén.

A Palabra do Ano 2015 foi...

Refuxiado foi a palabra máis votada por vós, que a escollestes como Palabra do Ano 2015. Arredor da chamada "crise dos refuxiados" publicáronse milleiros de textos, noticias e comentarios, poñendo este termo de máxima actualidade e converténdoo nunha voz clave nese ano.

A Palabra do Ano 2014 foi...

Fixemos unha valoración sobre un conxunto de palabras partindo das que propuxestes en Facebook, engadindo as que obtivemos dos medios de comunicación e mais as que nos fixestes chegar por outras vías. Unha destacou sobre o resto e deste xeito, para o Portal das Palabras, corrupción converteuse na Palabra do Ano 2014.