Portais das Palabras para outras linguas

O 23 de xuño en Hernani (Guipúscoa), no encontro Hitzargiaklinguas que se iluminan mutuamente–, o Portal das Palabras presentouse diante de expertos e entidades representativas de máis de vinte e cinco linguas europeas. O obxectivo concreto é que as metodoloxías e tecnoloxías desenvolvidas para realizar a nosa web, o Dicionario e as aplicacións móbiles teñan proxección noutras realidades lingüísticas e poidan aproveitarse para botar a andar experiencias semellantes e promover a creación dunha rede europea de espazos dixitais de difusión do léxico. A iniciativa, bautizada co nome EverWords, xerou unha web en inglés onde consultar toda a información relacionada.

Logo de tres anos explorando novas posibilidades para a actividade lexicográfica e a difusión do léxico, O Portal conseguiu ser unha referencia consolidada no país, cunha ampla difusión tanto no ámbito académico coma no do público xeral e os promotores entenden que é a hora de facer unha difusión internacional do acadado, polo que Hitzargiak é un encontro onde a iniciativa encaixa perfectamente, xa que se trata dunha reunión que busca favorecer a diversidade lingüística a través do intercambio de experiencias. En representación do Portal asisten traballadores da Academia, da Fundación Barrié e o secretario da RAG, Henrique Monteagudo.

Así mesmo, nestas xornadas tamén participaron outros proxectos galegos, como: Agasallo, APEGO, Cantalingua, Club de debate, Clubeda Lingua, Como cho digo 😉Documental A memoria da lingua, Escolas de Ensino Galego Semente, Gústame o galego, Modelo Burela e mais Tíralle da lingua.

Palabras traballadas

Todos os termos que traballamos, fóra das Palabras do día, ordenados alfabeticamente.

Ver

Palabras do día

Unha palabra cada día dos 365 do ano, ordenadas alfabeticamente ou por data.

Ir

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí