A actualización á nova versión do sistema está a provocar un mal funcionamento da aplicación do Dicionario RAG. En concreto, o problema aparece na pantalla de definición, que se bloquea e impide realizar unha serie de funcións tales como converter o termo en favorito, compartilo en redes sociais, escoitar a pronuncia e mesmo ver a totalidade da información sobre a palabra.
 
No Equipo do Portal estivemos agardando a ver se Apple publicaba un parche ou unha nova actualización menor que solucionase o problema. Pasado o tempo decidimos que a única solución efectiva consiste en sacar unha nova versión da aplicación Dicionario RAG, que pretendemos que estea na App Store o antes posible. Esta 'app' Dicionario 2.0 conterá ademais novidades das que iremos dando conta. Mentres tanto, pedimos desculpas polos inconvenientes que por razóns alleas a nós poidades estar sufrindo.
 
Malia que non é unha solución definitiva, propoñémosvos un truco que axuda a continuar utilizando a aplicación:
unha vez chegamos á pantalla de definición, cando notamos que se bloquea, se prememos no botón "Cancelar" todo funciona de novo. Ora ben, teremos que repetir esta acción despois de cada busca e visualización da palabra definida.