forcadela

Insecto da orde dos dermápteros, de corpo aplanado de cor parda, unha pinza córnea e móbil no extremo do abdome e antenas articuladas, que se agocha durante o día debaixo das pedras ou da casca das árbores

Etimoloxía

Crese que é un derivado a partir do substantivo “forca”, que viría esta procede do latín furca con significado análogo.

Exemplos *

“Buscou Rita entre os libros e soubo que Silvio tiña razón no que dixera pero que ó animal tamén se lle chamaba cadela de frade, forcadela, calabreta, cadela do abade... e máis nomes aínda.” (Paco Martín: Tres historias para ler á noite/ Forcadela, 1992)

“Entón Quin entolece definitivamente e descarga as punteiras das botas no seu corpo, (...), faino sen parar, con saña, até que aquel mozo queda retorcéndose como unha forcadela acabada de pisar, doente.” (Manuel Portas: Denso recendo a salgado, 2010)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!.

Cubre a enquisa aquí