golfiño

Cetáceo mariño da familia dos delfínidos, de dous a tres metros de lonxitude, segundo as especies, que ten as mandíbulas prolongadas e estreitas, dotadas de numerosos dentes, cor gris, azul ou branca e a aleta dorsal curvada cara a atrás

Etimoloxía

Remóntase ao latín delphinus de significado semellante que se cruzou con colphus ‘enseada’, pero que chegou como ‘golfo’, ‘pillabán’; na antigüidade os mariñeiros crían que o delfín era un animal carnívoro perigoso.

Exemplos *

“A Coordinadora para o Estudo dos Mamíferos Mariños, leva 25 anos dedicada ao estudo, a conservación e o rescate de golfiños, baleas, tartarugas ou lobos mariños que chegan ás costas de Galicia.” (Eduardo Rolland: GCiencia. O portal da ciencia galega, 9-2015)

“No común da xente mariñeira aparecen opostas ás toniñas e os golfiños, criaturas simpáticas e seica intelixentes, asociadas desde a antigüidade cos bos presaxios, escoltas brincadeiras dos navíos nos días de calma.” (Xabier Paz: As vidas de Nito, 2013)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí