Elemento químico do grupo dos gases nobres, que se encontra no aire en pequenas cantidades. O seu símbolo é Xe.
Etimoloxía
Tomouse do grego ksénos, -e, -on 'estraño'.
Exemplos *
"Durante este proceso os gases máis volátiles como: hidróxeno, helio, xenon, neon … etc., escaparían ao espazo exterior, mentres que os gases máis pesados quedarían retidos sobre a Terra, formando a primitiva atmosfera." (Xaquín Penas Patiño: A arca de Noé. Elementos de Oceanografía e Bioloxía mariña)
"… non queima o combustible senón que se fornece a partir dun tanque de 40 quilos de xenon, un compoñente químico que se converte rapidamente en descargas eléctricas, grazas ao uso da enerxía solar." (Galicia Hoxe 07-04-2009)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.