Chuvia forte e de pouca duración
Etimoloxía
Termo que se forma sobre “bater” que significa ‘golpear’ e procede do latín battuere ‘combater’.
Exemplos *
“Este vento, frío e decote seco, tráenos en poucas ocasións fortes bategadas de chuvia.” (Rosa Aneiros: Galicia Hoxe, 14-4-2009)
“Lembra as bategadas limpas de Almáciga e o cheiro a terra mollada.” (Xosé Antonio Perozo: Martázul, 2001)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
