Que ten moitas cores
Etimoloxía
Desde o latín multicŏlor que significa ‘de moitas cores’.
Exemplos *
“As abellas recollen o seu exquisito néctar, á vez que polinizan a planta para logo obter dela ese froito tan esperado cada verán. A mora é multicolor, vírase de cor verde, logo vermella e cando está maduriña, a piques de ser colleitada, é de cor negra.” (Margarida Miguens: Cerna, 3-2013)
“A luz penetrou a través dos vitrais, iluminando o templo con lanceiras multicolores. Agora estábase ben alí.” (Bieito Iglesias: Miss Ourense, 2016)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
