papoula

Planta anual da familia das papaveráceas, de follas pinnadas e dentadas, flores redondas de cor encarnada intensa e froito en cápsula, moi abundante nos campos de cereais

Etimoloxía

Palabra derivada do latín papáver  'papoula (planta), semente do figo'.

Exemplos *

“Alén da súa fin do mundo sabía que había prados enormes, cubertos de trigo maduro e papoulas, montañas dende as que ninguén pode caer, planetas de diamante puro e máquinas industriais que convertían os pexegos en marmelada.” (Anxos Sumai: A lúa da colleita, 2013)

“Daría un paseo mentres non anoitecese esperando a hora da cea e (...) iría ata onde estaba o cerrado xardín. Púxenme na punta dos pés para ver as rosas, as azaleas, as violetas, as verbenas, as papoulas.” (Josefa de la Esperanza Mandado Estévez: Obras breves de imaxinación. Obras gañadoras do Premio de Relatos Mulleres Progresistas 2007-2011 / Renovación, 2011)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!

Cubre a enquisa aquí