Mozo coas características dun pillabán
Etimoloxía
Crese que este vocábulo garda certa relación con “rillar”, verbo do latín vulgar *ringulare, derivado sobre ringère, que procede do latín clásico ringi 'regañar os dentes’.
Exemplos *
“Afeita á xente da aldea, reservada e desconfiada, aquel grupo de rillotes, de xente desvergoñada, chamoulle a atención. Tiñan un comportamento e un caracter ben diferente do que ela coñecía.” (Mª Xosé Queizán: O solpor da cupletista, 1995)
“Eu escoito, enviso e silandeiro, a conversa dos dous artistas. Están a falar con ardido entusiasmo do proceso de creación na arte. Reciprocamente afábeis e agarimosos, a practicaren a cortesía do corazón, así e todo discuten coa calor e paixón de dous rillotes.” (Xosé Manuel Beiras: Galicia Hoxe, 21-11-2010)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
