lumieira

Peza horizontal, xeralmente de pedra ou madeira, que limita pola parte superior o oco dunha porta ou ventá.

Etimoloxía

Vén do latín luminaria –ium ‘luz’.

Exemplos

“... na lumieira da xanela, feita cunha grande pedra de granito, había un pequeno perpiaño, do tamaño dun dos seus libros de clase, que presentaba un relevo no seu centro.” (Antón Cortizas: Leonel)

“Atrás do espello, cos ollos abertos que non ven e as dúas mans acariñando a orella esquerda na que aínda escintilan as pedras do pendente cando a vou visitar á tardiña e o sol entra de esguello pola lumieira...” (Paco Martín: Tres historias para ler á noite)