informativo

Programa de noticias de radio ou televisión.

Etimoloxía

Formouse a partir de informar, procedente do verbo latino informare ‘dar forma’ e tamén ‘describir’.

Exemplos *

“… entrevistado onte pola mañá no informativo matinal da Radio Galega ‘Galicia, primeira hora’, indicou ironicamente que “calquera diría que Galicia vai estupendamente e que aquí paz e despois gloria”.” (Galicia Hoxe 04-02-2005)

“Os informativos de radio e televisión espertaron onte coa noticia dunha nova fuga radioactiva nunha central nuclear rusa.” (O Correo Galego 08-01-2000)

* As citas da Palabra do Día respectan as escollas ortográficas e morfolóxicas da edición referida.