Conduto que forma parte do aparato xenital das femias dos mamíferos e que vai desde a vulva ata a matriz.
Etimoloxía
Vén do latín vagina –ae ‘envoltorio’.
Exemplos *
“… mozas que perden o fillo non nado por falta de asistencia no parto e, no seu lugar, quédalles a secuela das terribles fístulas (comunicacións) que se producen entre a vexiga e a vaxina …” (De Luns a Venres 22-03-13)
.. cancro de útero, causado polo virus do papiloma humano […] presente no 100% dos casos neste cancro feminino pero tamén está vinculado con outros tumores xenitais como no 90% cos cancros de ano e o 40% dos de vulva, vaxina e pene.” (María Xosé Queizán: Anti natura)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
