Planta herbácea da familia das poligonáceas, da que existen diversas especies silvestres ou cultivadas, de follas grosas e de sabor acedo, que se utiliza na cociña como condimento ou en ensaladas, e que ten tamén aplicacións medicinais.
Etimoloxía
Deriva de acedo, do latín acetum –i ‘vinagre’.
Exemplos *
“... toda a tarde a apañar follas de acedas e castiñeiro para o peixe, raspando tixolos para o azafrán ou mexando na area para cocer outro bolo de pan.” (Xabier Lorenzo Tomé: O paxaro que canta un nome)
“... van aparecer no aire de gran parte da península concentracións polínicas do xénero de quercus, -aciñeiras, sobreiras e carballos-, ligustro, castaño, ortigas, chantaxes, fariñóns e acedas.” (O Correo Galego 31-05-1999)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
