Nó ou vulto que forman as articulacións dos dedos ao se dobraren.
Etimoloxía
Considérase como máis probable que remita ao latín cubitalis –e ‘medida da altura dun cóbado’.
Exemplos *
“Conversas intranscendentes e lacónicas, breves coma bágoas illadas e senlleiras, quen sabe se coma eses golpes que os presos dan cos seus cotobelos nas paredes ...” (Alfredo Conde: A casa de Adara)
“As mans eran como as dun home, agás en que os dedos eran máis longos e grosos, cos cotobelos avultados coma nós e rematados en feras gadoupas.” (Xosé Miranda: Infancia e desventura de Lino Carrán)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
