Que actúa sen ningún temor, mesmo en situacións moi comprometidas ou difíciles, chegando a ser imprudente
Etimoloxía
Palabra que se forma sobre o verbo “temer” que procedía do latín timeo de significado semellante.
Exemplos *
“Barreiro mirou para el, sosténdolle a mirada como fan só os destemidos, os tolos ou os borrachos. Por veces non sabía a que categoría pertencía o seu amigo.” (Manuel Gago: O anxo negro, 2016)
“Lampião decidiu ignorala para deixar que o deserto se encargase dunha muller estraña e destemida, pero María, desafiando a autoridade inquebrantable do seu home, deu en buscala, nun galope que pretendía recuperar as horas perdidas.” (Daniel Asorey: Nordeste, 2016)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
