Boca dun volcán, por onde expulsa as materias cando está en erupción.
Etimoloxía
Chegounos a través do latín, pero a súa orixe está no grego krater, que denominaba un vaso grande para facer mesturas ou a boca do volcán.
Exemplos *
“No seu sitio, ao que Lois se aproximou con máis receo que ao cráter dun volcán, só ficaban dous metros cadrados que as folerpas ían cubrindo sen présa.” (Xoán Fuentes Castro: O pescador de cana)
“Un volcán de cráteres golsou en espasmos o corazón mesmo da lava, e seres alados pereceron no seu lume.” (Xosé Ramón Pena: O reverso do espello)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
