Conduto da superficie terrestre que expulsa ou expulsou materias en fusión e gases.
Etimoloxía
Este substantivo procede do nome do deus romano do lume Vulcanus –i.
Exemplos *
“... pensaba en Parménides como nun amigo incuestionábel, e amaba a Heráclito tamén intensamente e vía a Empédocles no Etna e a súa sandalia derradeira nas beiras do volcán.” (Román Raña: O crime da rúa da moeda vella)
“Unha fada das lapas xurdida do centro da terra saíu das profundidades pola cheminea dun volcán en erupción.” (Manuel Janeiro: A fada das lapas)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.