Dito ou feito sen importancia dirixido a unha persoa para rirse pero sen intención de molestala
Etimoloxía
Palabra que procede do grego broma ‘molusco’ que se adhería aos barcos e que os facían moi pesados e logo pasou a indicar ao individuo pesado e aos feitos burlesco que facía.
Exemplos *
“Polo visto é moi simpático e mesmo fai bromas cando lle pode sacar partido.” (Teresa González Costa: Os santos nunca dormen, 2014)
“Serafín aguantaba as bromas cunha ollada vergoñenta e un sorriso tímido.” (Paco Carro: Tempo ordinario (Historias de Compostela) / O abrigo, 2014)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
